АҚШнинг Калифорния штати ҳукумати ёнғин сабабли Напа водийсидан мингга яқин кишини эвакуация қилди.
Ушбу водий манзараси барчамизга Windows XP операцион тизимининг ишчи столидаги сурат сифатида таниш.
“ИТАР-ТАСС” агентлигининг хабар қилишича, табиий офат билан курашиш учун мингдан ортиқ мутахассислар ва авиация жалб қилинган. Аммо, олов катта майдон бўйлаб тарқалишда давом этмоқда. Ҳозирга келиб ёнғин эгаллаган майдон 2 минг гектарни ташкил қилмоқда. Аланга бешта турар жой биносини вайрон қилиб бўлди.
Штатда кузатилаётган қуруқчилик ва шамол аҳволни янада қийинлаштирмоқда.
Напа округи полицияси ёнғин сабабларини аниқламоқда. Атайлаб ўт қуйилиши таҳмини ҳам кўриб чиқилади.
Напа ўзининг узумзорлари билан машҳур.National Geographic журналининг 69 ёшли сураткаши Чак О'рира бу суратни 2003 йил дўсти (ҳозирда турмуш ўртоғи) Дафна Ларкин уйига кетаётганда суратга олган. У манзарани кўриб машинадан тушган ва бир неча сурат олган. Кейинчалик Чакнинг агенти Microsoft компанияси унинг суратини харид қилмоқчи эканлигини айтган. Чак ўз гонорарини сир тутмоқда. Аммо, унинг сурати дунёдаги энг қиммат сурат бўлганлиги маълум.
