КХДР ҳукумати Жанубий Кореяга душманлик ва қарама-қаршиликдан воз кечиб, муросага келиш ва бирлашиш учун йўл очишни таклиф қилди.
Бу ҳақда Шимолий Корея марказий ахборот агентлиги тарқатган расмий баёнотга таяниб ИТАР-ТАСС хабар бермоқда.
Пхеньян фикрича, турли ҳил ижтимоий тизим ва мафкурага эга бўлган мамлакатларни федерация принциплари асосида бирлаштириш мумкин. Бу учун КХДР ҳукумати Жанубий Кореяга душманлик ва қарама-қаршиликдан воз кечиш, ташқи кучларга қарамликни тугатиш ҳамда шимол ва жануб муносабатларини яхшилаш учун қулай шароит яратишни таклиф қилди.
КХДР 15 июнь Корея Республикаси собиқ президенти Ким Дэ Жуннинг Пхеньянга ташрифи давомида имзоланган декларация буйича йўл тутишга чақирди.
Шунингдек, КХДР корейс муносабатлари шу даражада пастлашиб кетгани, ҳатто биргина эҳтиётсизлик билан айтилган гап ёки ҳаракат ҳавфли келишмовчиликка олиб келаётганини таъкидлади.
