Россия ФВВ Москва метросидаги авария оқибатида 22 киши ҳалок бўлгани, шифохонага 129 киши етказилганлигини тасдиқлади. Бу ҳақда “РИА Новости” хабар бермоқда.
Москва метрополитенида содир бўлган ҳалокат муносабати билан чоршанба куни Москва шаҳрида мотам куни дея эълон қилинди.
Шунингдек, ҳалокат вақтида поезд 70 км/с тезлигида ҳаракат қилгани хабар қилинди.
“ИТАР-ТАСС” агентлигининг хабар қилишича, ҳалокатга йўл кўрсаткичидаги носозлик сабаб бўлган бўлиши мумкин. Шунингдек, поездни икки нафар машинист бошқаргани маълум бўлди.
Эслатиб ўтамиз, 15 июль куни “Парк победы” ва “Славянский бульвар” станциясилари орасида поезднинг 3 та вагони рельслардан чиқиб кетган. Ҳалокат туфайли 1150 га яқин киши эвакуация қилинган, жароҳатланганларнинг барчаси вертолётда шифохонага олиб кетилди. Ҳозирда қутқарув ишлари давом этмоқда.
