Наманган вилоятининг Тўрақўрғон туманидаги муштлашувда коллеж талабаси ҳалок бўлди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.
Маълум қилинишича, 1 июнь куни Тўрақўрғон хизмат кўрсатиш касб-ҳунар коллежининг 2 босқич ўқувчиси О.Т. ушбу касб-ҳунар коллежининг 3 босқичида таҳсил олаётган А.А. билан Бозорбоши маҳалласида ўзаро жанжаллашиб, унга қўллари билан жароҳат етказган.
Натижада А.А. беҳуш ҳолда касалхонага келтирилганида вафот этган. Тан жароҳати етказган О.Т. қўлга олинган.