Давлат хавфсизлик хизмати ходимлари томонидан “Агробанк” молия муассасининг тўрт нафар ходими тадбиркорларга кредит бериш учун товламачилик йўли билан пул маблағларини ўзлаштиришда гумон қилиниб қўлга олинди.
Ушбу банкнинг Фарғона вилояти Сўх тумани бўлинмаси бошлиғи ўринбосари 500 миллион сўмлик кредитни расмийлаштириб бериш учун 1,5 минг доллар олган.
У ушлангандан сўнг қинғир йўл билан қўлга киритилган пулларни етказиб бериш занжири Тошкентга бориб улангани аниқланди. Яъни, таъмагирлик билан қўлга киритилган маблағлар “Агробанк”нинг пойтахтдаги бош идорасининг кичик бизнес субъектларини кредитлаш бошқармаси етакчи мутахассисига етказилиши керак бўлган.
Ҳозирда тергов ҳаракатлари олиб борилмоқда.
Бу ҳақда "Ўзбекистон24" телеканали ижодкорлари томонидан тайёрланган лавҳада батафсил маълум қилинган.
