Ҳиндистоннинг ғарбий Бенгалия штатида йўлбарс балиқчиларга хужум қилди ва улар орасидан бир аёлни ўғирлаб кетди, дея хабар беради Glunews.ru Associated Press агентлиги маълумотларига таяниб.
Балиқчи эр-хотинлар кичик дарёда крабларни овлаётган вақтларида кутилмаганда уларга йўлбарс ташланган. Йўлбарс аёлни тишлаганча тортқилаб ўрмон ичига олиб кириб кетган. Аёлнинг турмуш ўртоғи воқеа юзасидан ёрдам беришларини сўраб хукуматга мурожаат қилган. Шундан сўнг, аёлни қидириш ишлари бошланган, бироқ йўлбарс хужум қилган жойдан бошлаб текширилган катта худудда на аёл ва на йўлбарснинг излари топилмаган.
Айтиш жоизки, бу ҳолат аёл ўғриланган Сундарбан туманидаги биринчи ҳолат эмас. Йил бошидан бери ушбу туманда 6 та ана шундай "ўғрилик" ҳолатлари кузатилган.
Экологларнинг фикрларича, ҳудуддаги ўрмонларнинг камаяётгани, оқибатда эса йўлбарслар яшаш жойининг қисқараётганлиги бундай кўнгилсиз ҳолатларга сабаб бўлмоқда.
