Мана, бир неча кундан буён Хитой кучли сув тошқинлари ва ёғингарчилик остида қолмоқда, дея хабар қилмоқда РИА Новости нашри.
Хитойнинг аксарият ҳудудларида ҳукм сураётган ёмон об-ҳаво инсонлар ҳаётига хавф солиши билан бирга мамлакат иқтисодига ҳам катта миқдорда зарар етказмоқда. Чжэцзян провинциясида икки кун давомида тинимсиз ёққан ёмғир туфайли сув сатҳи 50см.га кўтарилган. Бунинг оқибатида сув йўллар ва дўконларни ювиб кетган. Шунингдек, провинцияда 500 дан ортиқ сайёҳлар тошқинда қолиб кетган. Қутқарувчилар олиб борган тезкор операция натижасида улар эвакувация қилинган. Донгхиа туманида тоғдан оқиб тушаётган тошли сув ўнлаб уйларни ҳаробага айлантирди.
Шанхайда ҳам вазият жиддий бўлиб, бу ерда хавфнинг сариқ даражаси эълон қилинди. Миллий метеорология маркази вазият келаси ҳафтада ҳам ўзгармаслигини ҳамда Хеби, Жиангсу, Хенан провинцияларида ҳам тошқинлар содир бўлиши мумкинлигин хабар қилишмоқда.
