Бугун, 30 август куни Душанбе шаҳрида Тожикистон Президенти Эмомали Раҳмон Тожикистон Республикасининг Мустақиллик байрами арафасида Ўзбекистоннинг бир гуруҳ давлат арбоблари, илм-фан, таълим ва санъат вакилларини икки давлат халқлари ўртасидаги кўп асрлик дўстлик ва яхши қўшничилик муносабатларини мустаҳкамлашга қўшган катта ҳиссаси, маданий-гуманитар алоқаларни кенгайтириш, маънавий қадрият ва анъаналарни асраб-авайлаш ва бойитиш борасидаги фаол ва самарали фаолияти, мамлакатларимиз орасида ўзаро манфаатли савдо-иқтисодий ҳамкорлик ва кўп томонлама стратегик шерикчиликни ривожлантиришдаги хизматлари учун давлат мукофотларини топширди. Бу ҳақда Тожикистон президенти матбуот хизмати хабар бермоқда.
Тақдирланганлар махсус рейс билан билан Тожикистонга ташриф буюрдилар. Мукофотларни Тожикистон Республикаси Президенти Эмомали Раҳмон шахсан ўзи топширди.
Жумладан, Ўзбекистон Республикаси бош вазири Абдулла Арипов ҳамда Ташқи ишлар вазири Абдулазиз Комилов II даражали «Исмоили Сомони» ордени билан тақдирланди.
Эслатиб ўтамиз, аввалроқ Шерали Жўраев ҳамда Мавлуда Халилова Тожикистон халқ артисти фахрий унвони билан тақдирланганлари ҳақида хабар берган эдик.
