Хабарингиз бор, Тошкентнинг "Бунёдкор" клуби уй учрашувларини ўтказиши кўзда тутилган "Бунёдкор" стадионида анчадан буён учрашувлар ўтказилмаётган эди. Бунга сабаб сифатида майса сифати ёмонлиги кўрсатилган эди.
Ўзбекистон Профессионал Футбол Лигаси расмий сайти томонидан хабар қилинишича, "Бунёдкор" стадионида яна Ўзбекистон чемпионати ўйинлари ўтказилади.
"Қайд этиш жоиз, «Бунёдкор» жамоаси «Сўғдиёна»га қарши учрашувни, узоқ танаффусдан сўнг яна ўзининг янги стадионида ўтказади", - дейилади ПФЛ расмий сайти томонидан келтирилган хабарда.
