Санкт-Петербург давлат иқтисодиёт университети ректори Игорь Максимцев Ўзбекистон-Россия таълим форуми ҳамкорликнинг янги даврини бошлаб беришини алоҳида таъкидлади.
Эслатиб ўтамиз, пойтахтимизда илк бор нуфузли "Ўзбекистон-Россия таълим форуми" ўтказилмоқда. Иштирокчиларнинг форум борасидаги фикрлари билан ўртоқлашдик.
– Бу форум таълим тизимини янада юксалтиришга хизмат қилади. Шунинг учун ҳам иштирокчилар зиммасига улкан масъулият юкланмоқда, – дейди Санкт-Петербург давлат иқтисодиёт университети ректори Игорь Максимцев. – "Ўзбекистон-Россия таълим форуми"нинг Тошкентда ўтказилаётгани мамлакатда таълим соҳасида олиб борилаётган туб ислоҳотлардан даракдир. Муҳими, мазкур форум мамлакатлар ўртасидаги ишонч ва ҳамкорликни янада мустаҳкамлайди, ривожлантиради ва янги босқичга олиб чиқади.