Жаҳон бозорида энергия ресурсларининг нархи ошиб кетиши сабабли, Ўзбекистонда ҳам бензин ва дизель ёқилғисининг нархи оширилиши режалаштирилмоқда.
“Ёқилғи-энергетика ресурсларига нархлар ва тарифларнинг ўзгариши тўғрисида”ги қарор лойиҳаси Ўзбекистон Республикаси Вазирлар Маҳкамасининг муҳокама порталига қўйилди.
Қарор лойиҳасига кўра, бензин ва дизель ёқилғиси нархлари 16 ноябрдан қуйидагича бўлади:
- Аи80 маркали автобензин — 4000 сўм/литр;
- Аи91 маркали автобензин — 4500 сўм/литр;
- дизел ёқилғиси — 4800 сўм/литр;
- ЭКО маркали дизел ёқилғиси — 4900 сўм/литр.
Қонунда кўрсатилган тегишли тоифадаги шахсларга (ногиронлар, уруш қатнашчилари ва ҳ.к.) бензин олиш учун учун ойига 66 700 сўмдан компенсация тўланади.
Қарор лойиҳаси муҳокамаси 3 ноябргача давом этади.
