18 октябр куни “Россия 1” телеканалида “Ўзбекистон. Қумлар марвариди” (“Узбекистан. Жемчужина песков" ҳужжатли фильмининг премьераси бўлиб ўтди, дея хабар бермоқда anons.uz.
Фильмда мамлакатимизнинг қадимий тарихи, унинг ҳайратланарли ёдгорликлари, буюк инсонлари ҳақида ҳикоя қилинди.
Ушбу фильм Саида Медведова бошчилигидаги “Мастерская” кинокомпаниясининг муаллифлик ғояси ҳисобланади.
Ҳужжатли фильмда Тошкент, Самарқанд, Бухоро ва Хоразм вилоятлари ҳақида ҳикоя қилинган. Телекомпания ижодкорларига Ўзбекистон Электрон Оммавий Ахборот Воситалари Миллий Ассоциацияси ҳамда унга аъзо нодавлат телестанциялар вакиллари ҳамроҳлик қилди ва яқиндан ҳам ижодий ҳамда техник кўмак кўрсатишди.
Ушбу фильм Russia.tv сайти орқали ҳам намойиш этилди ва уни “Сайт архиви”дан топиб, кўришингиз мумкин.
