Франция пойтахти Парижда Биринчи жаҳон уруши тугаганининг 100 йиллигига бағишланган тадбир билан бирга Париж тинчилик форуми ҳам бўлиб ўтмоқда, деб хабар бермоқда Lenta.ru нашри.
Мазкур тадбирларда 70 дан ортиқ давлат ва ҳукумат раҳбарлари қатнашган. Мартабали меҳмонлардан иборат делегация аъзолари Ғалаба дарвозасида “Ярашув куни”нинг 100 йиллигига бағишланган тантаналарда иштирок этишди. Унда Туркия президенти Ражаб Тоййиб Эрдўғон, Германия канцлери Ангела Меркель, Буюк Британия Бош вазири Тереза Мэй қатнашган.
Хотира маросими давомида АҚШ президенти Дональд Трамп Россия президенти Владимир Путин билан қўл бериб кўришди. Уларнинг Париждаги учрашуви расман бекор қилинган бўлишига қарамасдан, нонушта чоғида Трамп ва Путин мулоқот қилишга муваффақ бўлишган.
