Аргентинанинг “Ривер Плейт” ва “Бока Хуниорс” клублари ўртасидаги Либертадорес кубоги финалининг жавоб учрашуви мухлислар томонидан уюштирилган тартибсизликлар сабабли бошқа санага кўчирилди, деб хабар берди Ria.ru нашри.
Ўйин Буэнос-Айресдаги стадионида бўлиб ўтиши керак эди. “Бока” клуби футболчилари автобусига рақиб жамоа мухлислари томонидан ҳужум қилинган. Полиция одамларни тарқатиш учун резина ўқлар, кўзни ачиштирувчи газлардан фойдаланишга мажбур бўлди. Маълумотларга кўра, автобусга тутун чиқарувчи қурилма тушиши оқибатида кўплаб ўйинчилар ис газидан заҳарланишган. Яна айрим ўйинчилар кўзидан жароҳат олган.
