Фарғона туманида 2 декабрь соат 20:48ларда “Чекшўра” МФЙда яшовчи А.Д.нинг уйида ёнғин содир бўлди. Бу ҳақда ИИВ Жамоатчилик ва ОАВ билан алоқалар бошқармаси хабар берди.
Маълум қилинишича, кўрилган чоралар натижасида ёнғин соат 21:15да ўчирилган.
Ёнғин оқибатида уйнинг 20 кв.м. майдонида том ва ички қисми ёниб, зарар кўрган ҳамда ёнғин ўчириш вақтида А.Д.нинг куйган ҳолдаги жасади топилган. Жасад суд-тиббий экспертизасига юборилган.
Ёнғин иситиш печига табиий газни резина шлангда улаб, ёқиб назоратсиз қолдиришдан келиб чиққанлиги аниқланган. Суриштирувни прокуратура олиб бормоқда.
