Австралиянинг шимоли-шарқий ҳудудларида сув тошқинлари кузатилмоқда, дея маълум қилди Репорт нашри.
Тошқин туфайли Квинсленд штатида юзлаб уйлардан одамлар эвакуация қилинган. Бир неча кун ичида сув сатҳи кескин даражада кўтарилиб, рекорд даражага етди. Хабарларга кўра, айни вақтда 20 мингдан ортиқ уй хавф остида қолмоқда. Агар сув шу тариқа кўтарилишда давом этса, уйлар бутунлай вайрон бўлиши мумкин. Тошқин кузатилаётган жойлар эса федерал ҳукумат томонидан фалокат ҳудуди сифатида эълон қилинган.
