Спорт ва янги технологиялар бўйича тадқиқот олиб борадиган Digital Sports Media агентлиги ижтимоий тармоқларда машҳур бўлган футбол клубларини аниқлади.
Тадқиқотда Facebook, Twitter, YouTube, Instagram ва Google+ тармоқларидаги обуначилар сони ҳисоблаб чиқилган. Унга кўра биринчи ўрин 117 миллион обуначига эга бўлган "Барселона"га тегишли экани аниқланди. Иккинчи ўриндаги "Реал"да 108 миллион обуначи бор. Кучли учликдан эса 70 миллиондан ортиқ мухлисга эга бўлган "Манчестер Юнайтед" ўрин олган.
Яна икки клуб «Челси» (50 миллиондан ошиқ) ва «Арсенал» (39,6 миллиондан ошиқ) кучли бешликка кира олган.
Эслатиб ўтамиз, "Барселона"нинг 60 миллион обуначиси 2014 йил давомида йиғилган.
Манба: www.sports.ru
