11 ёшли болакай кийим тўқишда маҳоратли бувижонларни ҳам ортда қолдиради, дея маълум қилди News.day.az нашри.
АҚШнинг Висконсин штатида истиқомат қилувчи Жон Ларсон беш ёшлигидаёқ тўқишни ўрганади — у YouTubeканалида маҳорат дарсини кўриб қолади. Натижада тўқиш-бичиш Жоннинг асосий машғулотига айланади. Ҳозирда унинг Инстаграм саҳифасига 46 минг киши аъзо бўлган ва улар боланинг ишларини жон деб сотиб олишади. Аммо Жон нафақат сотиш ишлари билан машғул, балки тушган маблағларни бир вақтлар ўзи асраб олинган Ҳабашистондаги етимхоналарга туҳфа қилади.
