Англиялик Бетан Гэскин бисквит печеньеларини кўп ейиш танловида қатнашиб вафот этди, дея маълум қилмоқда Lenta.ru нашри.
Ҳодиса Бурне шаҳрида бўлиб ўтди. 24 ёшли қиз дугонасиникига келиб, фуд-челленжда иштирок этишга қарор қилади. Қоидага кўра, иштирокчилар думалоқ бисквит печеньеларни оғизларига имкон борича кўпроқ солишлари лозим эди.
Конкурс давомида печенье Гэскиннинг нафас йўлларини беркитиб қўйган, у йўталиб, ҳушини йўқотган. Касалхонада беш кун ҳушсиз ётган ва вафот этган.
Марҳуманинг онаси ёшларни бундай хавфли ўйинларни бас қилишга чақирди.
