Малайзия суди Шимолий Корея раҳбари Ким Чен Иннинг акаси Ким Чен Намнинг ўлимида айбланаётган вьетнамлик қизга ҳукм чиқарди, дея хабар қилмоқда Reuters нашри.
Зоан Тхи Хионг уч йилу тўрт ойга озодликдан маҳрум этилди. Қиз ўлим жазосидан аранг қутулиб қолган, негаки “қасддан қотиллик содир этиш” айблови “хавфли буюмлар билан танага жароҳат етказиш”га ўзгартирилган.
Қиз ўз айбини тан олган.
У келгуси ойда озодликка чиқарилиши мумкин, негаки қиз жазонинг катта қисмини қамоқда ўтказиб бўлган.
