Данияда Христофор Колумбнинг ўғлига тегишли кутубхона каталоги қўлёзмаси топилди, дея хабар қилди Europa Press нашри.
Икки минг саҳифадан иборат каталог қўлёзмасини Колумбнинг ўғли ўн олтинчи асрда тузиб чиққан эди. Қўлёзма Копенгаген университети кутубхонасидан топилган.
Манускриптда Фернандо Колумб жамланмасидаги уч мингга яқин китоб аннотациялари мавжуд.
Фернандо Колумбнинг қўлёзмалар ва китоблар жамланмаси 15 минг томга мўлжалланган эди. Уларнинг бир қисми Севилья кутубхонасида сақланмоқда. Қолган қисми ҳозирча топилгани йўқ.
