Пойтахтимизда ўтказилаётган оғир атлетика бўйича I Афро-Осиё чемпионатининг дастлабки кунида спортчиларимиздан Манзурахон Мамасолиева ва Марина Сисоева олтита кумуш медални қўлга киритди, дея хабар бермоқда ЎзА.
58 килограммгача бўлган хотин-қизлар баҳсида иштирок этган М.Сисоева даст кўтаришда 87 килограмм, силтаб кўтаришда 117 килограмм натижани қайд этди. Иккикураш якунига кўра 204 килограммлик маррани эгаллаган атлетимиз якунда учта кумуш медаль соҳибига айланди.
М.Мамасолиева 69 килограмм вазн тоифасида даст кўтариш баҳсларида 95 килограмм, силтаб кўтаришда 125 килограмм, иккикураш якунига кўра 220 килограмм натижа билан мусобақанинг иккинчи поғонасидан жой олди.
Халқаро турнир давом этмоқда.
