“Эшитишимизча, агар синфда ўқувчилар сони 25 нафардан кам бўлса, рус тили ва бошқа хорижий тиллар ўқитилмас экан. Бундай чегаралаш қонунан қилинганми ёки бу ўқитувчилар гап-сўзи холосми?”
Назира Салимова, Сурхондарё вилояти Ангор тумани
Ихтиёр МАХМАТҚУЛОВ, Ўзбекистон Республикаси Халқ таълими вазирлиги масъул ходими:
— Халқ таълими вазирининг “Умумий ўрта таълим мактабларининг I-XI синфлари учун 2018-2019 ўқув йилига мўлжалланган таянч ўқув режани тасдиқлаш тўғрисида”ги 191-сонли буйруғининг 1-Иловаси 20-банди ҳамда Вазирлар Маҳкамасининг “Умумий ўрта таълим тўғрисидаги низомни тасдиқлаш ҳақида”ги 140-сонли қарорига кўра, малакали ўқитувчилар етарли бўлган қуйидаги ҳолларда синфдаги ўқувчиларни икки гуруҳга бўлиб ўқитишга рухсат этилади:
- ўқувчилар сони 25 нафар ва ундан зиёд бўлган умумий ўрта таълим муассасаларининг I-XI синфларида чет тили фани;
- V-XI синфларда информатика ва ахборот технологиялари, таълим тили ўзбек тилида бўлмаган умумий ўрта таълим муассасаларининг II-XI синфларида ўзбек тили фани;
- таълим тили рус тилида бўлмаган умумий ўрта таълим муассасаларининг II-XI синфларида рус тили;
Ушбу фаннинг ўқитилиши Республика таълим марказининг тавсиялари асосида, тегишли ўқув дастурлари ва тақвим-мавзу режаларга мувофиқ ташкил этилади.
