Бангладешлик аёл бир ойда икки марта фарзанд кўрди, дея маълум қилмоқда News.bigmir.net нашри.
Бангладеш республикасида 20 ёшли Арифа Султон бир ой ичида уч фарзандни дунёга келтирди. У биринчи туғруқдан сўнг ҳали ҳам ҳомиладор эканини хаёлига келтирмаган эди.
Арифа февраль охирларида фарзанд дунёга келтиради. Лекин орадан 26 кун ўтиб у яна икки фарзандни дунёга келтиради. Врачлар унинг қорнини ёриб бир қизалоқ ва бир ўғил чақалоқни олишади. Учала чақалоқ ҳам соғ-саломат.
Ҳозирда она ва болалар ўз уйларига қайтиб келишган.
