Хитойнинг Цзиньчжоу шаҳрида бир болакай сувга чўкиб кетишига бир баҳя қолди, дея хабар берди 120.su нашри.
Ҳовузда чўмилаётган болакай кутилмаганда чўка бошлади. Ҳовуз четида турган онаси эса ўғли атайин шундай эркалик қиляпти, деб ўйлаб шунчаки қараб тураверди.
63 ёшли пенсионер болакайни кўриб, барчасини англаб етади ва ўша заҳоти ўзини сувга ташлайди. Болакайни қутқариб қолган пенсионер жаноб Е.нинг айтишича, сувга эҳтиёткорона муносабатда бўлиш лозим экан.
Пенсионер барчанинг кўз ўнгида қаҳрамонга айланди.
