Wikileaks асосчиси Жулиан Ассанжни Лондон суди 50 ҳафта қамоқ жазосига ҳукм қилди, дея хабар қилмоқда РИА Новости нашри.
Маълум этилишича, Ассанж гаров эвазига озодликка чиқиш шартларига хилоф иш тутган.
Жулиан судда ўз қилмишлари учун пушаймон эканини тан олган.
2010 йили Ассанж Швецияда аёлларга нисбатан зўравонлиги учун айбланган эди. У 2012 йилнинг июнь ойидан бери Эквадор элчихонасида яшириниб келган. 2019 йил 11 апрель куни Жулиан Ассанж Лондондаги Эквадор элчихонасида ҳибсга олинган.
