Россия Премьер-лигасининг 14-турини ўз майдонида ўтказган Москванинг "Локомотив" клуби бир очко билан чекланди. Аслида "Уфа"га қарши ўйин Бошқирдистонда бўлиб ўтиши керак эди, аммо ҳавонинг кескин совиб кетиши натижасида ўйин Москвага кўчирилди. Иккинчи давра ўйини "Уфа" майдонида ўтказилади.
Ўйинга тўхталадиган бўлсак, Божович шогирдлари ўйинни у қадар яхши ўтказа олишмади. Уларнинг ҳужумдаги ишлари унчалик юришмади. "Уфа" эса ҳимояда тартибли ўйнаш билан биргаликда қарши ҳужумда хавфли ўйнади. Виталий Денисов айнан шунинг қурбонига айланди. У қарши ҳужум натижасида дарвозабон билан бирга-бир вазиятга чиқиб бораётган Ханжични ортдан чалишга мажбур бўлди ва майдондан четлатилди. Яхшиямки, четлатиш ўйин тугашига 10 дақиқа қолганида содир бўлди. Бу вақт ичида меҳмонлар гол уришга улгуришмади, акс ҳолда "темирйўлчилар" бир очкодан ҳам қуруқ қолишарди. Вагиз Галиулин ҳам ўйинни бошланғич таркибда бошлаб, 78-дақиқада захирага олинди.
Умуман олганда, майдонда асосан кураш кечди. Шу боис кўплаб фоллар кузатилди. "Уфа" очко учун курашди ва ҳақли равишда уни қўлга киритди.
Россия Премьер-лигаси, 14-тур
Локомотив – Уфа 0:0
Локомотив – Абаев, Янбаев, Чорлука, Дюрица, Денисов, Фернандеш, Шешуков, Самедов (Маркес, 72), Буссуфа (Павлюченко, 78), Касаев, Ньяссе (Н'Дойе, 64).
Уфа – Юрченко, Тишкин, Тумасян, Пауревич, Сухов, Засеев, Семакин, Марсиньо (Килин, 90), Фримпонг (Диего Карлос, 84), Галиулин (Сафрониди, 76), Ханджич.
Огоҳлантиришлар: Юрченко (36), Марсиньо (36), Тумасян (45), Семакин (77), Касаев (86).
Четлатиш: Виталий Денисов (81).
