Ўзбекистон Республикасида 2015 йил 1 январ куни эски паспортни биометрик паспортга алмаштириш муддати расман ниҳоясига етади, дея ёзмоқда podrobno.uz.
Шу кунларда бутун республика бўйича паспорт столлари кучайтирилган тартиб асосида ишлашмоқда. Бироқ паспортни бериш муддати бир ҳафта эмас, балки ойларга чўзилиб кетмоқда. Бу тўғрисида Facebookдаги потребитель.уз гуруҳида маълум қилинган.
Бир фойдаланувчининг ёзишича, у паспортини алмаштириш учун Мирзо Улуғбек туман ИИБга топширган ва унга расмга тушиш учун 2015 йил 26 июн куни келишини тасдиқловчи талон берилган.
Бундай маълумотлар жуда кўп. Август ойида топширганларга мартда, ноябрдагиларни эса келгуси йилнинг феврал ойига келишларини айтишган.
