“Менинг юртим” телеканали маъмуриятининг хабар беришича, 2014 йилнинг 12 ноябр куни синов эфирини бошлаган телеканали орадан роппа-росса бир ой ўтиб, 12 декабр куни соат 17:00да расман ўз фаолиятини бошлайди.
Ижодий гуруҳлари Тошкент шаҳри ҳамда Тошкент вилоятининг 5 миллиондан ортиқ телетомошабинларига тақдим этиладиган кундалик 20 соатлик эфир вақти давомида ўзбек ва бошқа тилларда энг қизиқ ва кареатив лойиҳалар намойиш этилишини ваъда беришмоқда.
Янги нодавлат телеканал муассислари Ёшлар маданият ва санъат маркази, “Камолот” ЁИҲ, ЎзЭОАВМА ҳамда “Ўзбекнаво” эстрада бирлашмаси ҳисобланади.
