Ижтимоий тармоқларда Ўзбекистонда ишлаб чиқарилиши тўхтатилаётган Chevrolet Cobalt ўрнини Chevrolet Monza автомобили пайдо бўлиши ҳақида хабарлар тарқалди.
«Дарё» нашрининг Uzauto Motors компаниясидаги манбаси Chevrolet Cobalt ўрнига Chevrolet Monza (бошқача номи — Chevrolet Onix) ишлаб чиқарилиши ҳақидаги хабарларни тасдиқламади. Инкор ҳам этмади.
«Корхонада бундай маълумотларни ошкор этмаслик тамойилига амал қилинади», — дейди нашрнинг ахборот манбаси.
Маълумот учун, корхонадаги бошқа манбалар аввалроқ Chevrolet Onix (бошқача номи — Chevrolet Monza) ва Tracker’нинг янги авлодини йиғиш ўзлаштирилиши мумкинлигини маълум қилган эди.
