Ўзбекистон енгил атлетика федерацияси томонидан Осиё ўйинлари ғолиб ва совриндорлари Светлана Радзивил, Екатерина Ворониной ва Леонид Андреевларга Spark автомобилининг калитлари топширилди, дея хабар бермоқда 12news.uz.
Светлана Радзивил ушбу мавсумда ХХРда бўлиб ўтган Осиё чемпонатида баландликка сакраш бўйича рекордни янгилади ва Осиё чемпиони бўлди. Жанубий Кореяда ўтган мусобақада ҳам олтин медалга эгалик қилди. Екатерина Воронина кўпкураш бўйича чемпион бўлган бўлса, Леонид Андреев жароҳат олганига қарамасдан курашни давом эттирди ва натижада кумуш медал соҳибига айланди.
