Етакчиликка эришишнинг 5 усули

СУҒДИЁНА 22.12.2014, 15:28
Етакчиликка эришишнинг 5 усули

Олимларнинг аниқлашларича етакчиликка эришган аёллар бу мавқега эришиш учун шахсий ҳаётий режалардан фойдаланишар экан. Яқинда АҚШдаги Center for Creative Leadership (CCL) ташкилоти 60 нафар етакчи аёллар ўртасида “етакчиликка эришиш сирлари” мавзусидаги сўровномани ўтказди. Сўровномада 26 ёшдан 58 ёшгача бўлган аёллар қатнашишди. Аёлларимизнинг байрами муносабати билан эътиборингизга етакчи аёллар томонидан тавсия қилинган етакчи бўлишнинг 5 усули ҳақида маълумот берамиз.

Етакчи бўлиш аслида нима? Раҳбарлик лавозимида фаолият юритаётган ҳар қандай аёл учун омад ва етакчилик кўплаб тўсиқларни енгиб ўтишга ёрдам берувчи йўлдир. Албатта, етакчи бўлиш қийин. Бунинг учун инсонда истеъдод ва имкониятдан ташқари кучли истак ҳам бўлиши керак. “Етакчилик” сўзининг негизида катта ва мураккаб, жисмоний ва ақлий меҳнат ётади. Тадқиқотлардан шу нарса маълум бўлдики, етакчиликка эришган аёллар асосан 5 та нарсага катта аҳамият қаратишар экан. Булар:

Фаол ҳаракат;

Қандай бўлсанг шундайлигингча қол;

Атрофингдагилар билан алоқа ўрната олиш маҳорати;

Кишининг ўзи ҳақидаги фикри;

Мақсадга интилиш;

Икки йил мобайнида ўтказилган ушбу тадқиқот мобайнида аёлларнинг қарашлари, фикрлари ўрганилиб, эндигина етакчиликка эришаётган аёлларга фойда келтириши ва уларнинг меҳнатини юзага чиқариш учун ас қотиши мақсадида омма эътиборига ана шу 5 усул ҳавола қилинди. Келинг эндиликда санаб ўтилган ана 5 усул ҳақида алоҳида тўҳталиб ўтамиз.

Фаол ҳаракат

Карьерага эришиш йўлидаги барча қийинчиликларни ўз бўйнингизга олган ҳолда, ўзингизга ишдаги барча вазифаларни бажариш, ҳам ишдаги раҳбарликни ҳам оилани ҳам ҳаётни бир маромда олиб боришга ҳаракат қиласиз. Ўз тақдирингизга бошқалар эмас, ўзингиз “хўжайин” эканингизни унутмаслигингиз лозим. Фаол ҳаракат деганда ўз олдингизга қўйган мақсадлоарингизнинг ҳам йўналиши, вақти ва керакли нуқтаси бўилиш лозимлигини тан олишни тушуниш мумкин. Ишдан ташқари ҳолатларда ҳам ишингизга бевосита алоқаси бўлган шартномалар, таклифлар ва ғояларни кўриб чиқишингизга, улар билан қизиқишингизга тўғри келади. Тўлақонли равишда ўзингизга тегишли бўлган барча имкониятлардан тўғри ва вақтида фойдалана билиш фаол ҳаракатнинг асосини ташкил этади.

Қандай бўлсанг шундайлигингча қол

Ҳар қандай инсон гарчи кучли принципларга амал қилсада ўзлигини сақлай билиши, қандай бўлса шундайлигича қола билиши шарт. Одатда кўпчилик аёллар ўзларига керагидан ортиқ баҳо бериб юборишади. Шу сабаб кишининг ўзлигини асрай билиши ҳам қийин ҳам муҳим.

Атрофингдагилар билан алоқа ўрната олиш маҳорати

Ўзаро алоқалар аёл учун муҳим. Оиладаги муносабатлар, дўстлар билан муносабатларни ўрнатиш, яхшилаш ва муносабатлар борасида бирор қабул қилиш иш фаолиятига ҳам ўз таъсирини кўрсатади албатта. Шу сабабдан алоқаларни мустаҳкамлаш ҳам маҳорат талаб этади. Топ-менежердек банд лавозимида ишлайдиган аёллар ҳам ишдаги ҳам оиладаги муносабатларнинг яхшиланиши ва мустаҳкамлигига эътибор бериши керак. Иш юзасидан кишига керак бўладиган алоқаларни мустаҳкамлаш учун маҳсус режалар асосида улар билан учрашиш, бир оз бўлсада улар билан сухбатлашиш, ҳаётингдаги янгиликлардан уларни ҳам хабардор қилиб туриш лозим. Шундагина кишида “алоқадагилар рўйхати” пайдо бўлади.

Кишининг ўзи ҳақидаги фикри

Инсон ўзини ўзи тушуна билиши, баҳолай билиши лозим. Ўзини ўзи тушуниш ҳар кунги одат, сухбатлар ва фаолиятдан сўнг шаклланади. Киши ўзини тушуниши учун бошқаларни ўз ўрнига қўйиб кўриши лозим.  Ташқаридан ўз ишингизга, атрофдагилар билан муносабатларингиз, одамларга, ишчиларга қўяётган талабларингизнинг тўғри ёки нотўғри эканлигига баҳо беринг.

Мақсад сари интилиш

Ишингиздаги мақсадлар ва шахсий орзуларингизни бирлаштирсангиз, аслида ягона мақсад манзили кўринади. Тадқиқотда иштирок этган аёллар ичида “Мақсадга интилиш” тушунчаси ҳақида изоҳ беришга чўчиган аёллар ҳам бўлди. Чунки улар ҳаётий мақсадлар ва ишдаги мақсадларни икки гуруҳга бўлиб амалга оширадиган инсонлар сирасига киришади. Мақсад сари интилиш бу имкониятлар ва мақсадларни бир йўналишга йцўналтира билиш маҳорати демакдир.

 

 

 

 

                                


 

Шарҳлар

Об-ҳаво: Тошкент
Валюта курси
1