Нақд хорижий валюталарни яширинча олиб чиқишга бўлган уринишлар ўз вақтида бартараф этилмоқда, дея хабар бермоқда давлат Божхона қўмитаси.
Тошкент халқаро аэропорти орқали хорижга йўл олган фуқаро “қизил” йўлак орқали ҳаракатланар экан, унинг юклари белгиланган тартибда назоратдан ўтказилди.
Натижада, унинг юклари орасида божхона декларациясида кўрсатилмаган ва божхоначиларнинг оғзаки сўровида маълум қилинмаган 32 минг АҚШ доллари борлиги аниқланди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
