АсосийJamiyat

Нега суд тақдим қилинган ҳужжатни инобатга олмади?

'Нега суд тақдим қилинган ҳужжатни инобатга олмади?'ning rasmi

— МЧЖ директориман. Менга “МЧЖ рўйхатдан ўтмаган, муҳрлар сохта”, деб айб қўйилди ва 8 йилга озодликдан маҳрум қилишди. Вилоят судига мурожаат қилганимда, 8 йил озодликдан маҳрум қилиш жазоси 4 йил қилиб белгиланди. Давлат хизматлари агентлиги ташкилоти 2006 йил 28 мартда Андижон вилояти Асака шаҳар ҳокимлиги ҳузуридаги Тадбиркорлик субъектларини рўйхатга олиш инспекцияси томонидан рўйхатга олингани ва ҳозирги кунда фаолият кўрсатаётганини тасдиқловчи ҳужжатни тақдим қилганимни суд инобатга олмади. Ишлаб турган МЧЖга Олий суд мазмунан жавоб хати бермагани сабаб, инвестиция вақтинча тўхтатилди. Қонунга кўра, МЧЖ ишлаётгани ёки сохта экани ҳақида маълумот олишга ёрдам беришингизни сўрайман.

К. Усмонов, Тошкент шаҳар Юнусобод тумани

Бахтиёржон ХУДАЙБЕРДИЕВ, Андижон вилоят прокурорининг ўринбосари, адлия маслаҳатчиси:

— Аниқланишича, жиноят ишлари бўйича Асака туман судининг 2015 йил22 октябрдаги ҳукмига кўра, К .У см онов ЖКнинг бир неча моддалари билан айбли деб топилган. Унга ЖКнинг 59­моддасига асосан энг кам ойлик иш ҳақининг 60 баравари миқдорида жарима ҳамда 7 йил 8 ой озодликдан маҳрум қилиш жазолари тайинланган. Жиноят иши К.Усмоновнинг шикоятига асосан 2015 йил 3 декабрда апелляция инстанциясида кўрилиб, ЖКнинг 25, 118­моддаси 3­қисми “б” банди билан қўйилган айблов ЖКнинг 25, 118­мод­ даси 1­қисмига қайта квалификация қилиниб, ҳукмнинг қолган қисми ўзгаришсиз қолдирилган.

К.Усмоновнинг айби жиноят ишида мавжуд жабрланувчи ва гувоҳларнинг кўрсатувлари, воқеа жойини кўздан кечириш, юзлаштириш баённомалари, суд­тиббий, суд физика­техника, суд­кимёвий экспертиза хулосалари ҳамда иш бўйича тўпланган бошқа далиллар билан тасдиқланган. Суд қарорларининг қонунийлиги ўрганилиб, протест келтириш мақсадга мувофиқ эмас, деб топилган.

 

Садоқат АЛЛАБЕРГАНОВА

 

🔸 Саволингиз борми, мутахассислардан жавоб олиб берамиз!

✅ ҲУДУДИНГИЗДА ЕЧИМИНИ КУТАЁТГАН МАСАЛАЛАР ЭЪТИБОРДАН ЧЕТДА ҚОЛИШИНИ ИСТАМАСАНГИЗ, ЯШАШ МАНЗИЛИНГИЗ, ИСМ-ФАМИЛИЯНГИЗНИ ТЎЛИҚ ЁЗИБ, ШАХСИЙ ИМЗОНГИЗ БИЛАН БИЗГА МАКТУБ ЙЎЛЛАНГ. 

📌 МАНЗИЛИМИЗ: 

ТОШКЕНТ ШАҲРИ, АМИР ТЕМУР ШОҲ КЎЧАСИ 5️⃣3️⃣-УЙ. 

АЛОҚА ИНДЕКСИ: 1️⃣0️⃣0️⃣0️⃣6️⃣0️⃣

 

САВОЛЛАРИНГИЗНИ (➕9️⃣9️⃣8️⃣9️⃣5️⃣) 

1️⃣9️⃣4️⃣➖6️⃣4️⃣➖1️⃣6️⃣ ТЕЛЕГРАМ РАҚАМИ ОРҚАЛИ ҲАМ ҚОЛДИРИШИНГИЗ МУМКИН.

    Бошқа янгиликлар