Жаҳон футболи афсонаси Роналдо 38 ёшида яна футболга қайтишини билдирган. MLS иккинчи лигасидаги АҚШнинг “Форт-Лодердейл Страйкерс” клуби хўжайинларидан бирига айланган собиқ футболчи ўз жамоаси аъзоларига тажрибасни улашиш мақсадида бир неча учрашувда иштирок этишга розилик билдирди, дея хабар қилади sports.uz нашри.
«Бир неча учрашув ўйнашга ҳаракат қиламан. Шу йил машғулотларга кўп эътибор қаратаман. Кейинги йилларда мен бошқа ишлар билан банд бўлгандим. Агарда финалга чиқадиган бўлсак ва яхши ўйнай олсам, бунинг нимаси ёмон, — дейди Роналдо. — Мен мураббий бўлмоқчи эмасман. Клуб хўжайини сифатида эса ёшларга сабоқ беришим мумкин. Ўтган йил мен Бразилия термаси ўйинчилари билан ишлагандим. «Форт-Лодердейл Страйкерс» — ўз анъаналарига эга жамоа. Америкада футбол ривожланмоқда», — дейди бразилиялик.
Эслатиб ўтамиз, уч карра дунёнинг энг яхши футболчиси Роналдо 2011 йилда «Коринтианс» сафида сўнгги учрашувини ўтказганди.
