Онлайн-троллар таниқли Голливуд актёр, "Қоя" лақабли Дуэйн Жонсонннинг яна ҳалок бўлгани ҳақида фейк яъни ёлғон хабарлар тарқатди. Ушбу хабарлардан кейин тармоқдаги кўплаб фойдаланувчилар "марҳум"нинг оила аъзолари ва мухлисларига ҳамдардлик билдирди, деб ёзган "РИА Новости".
Ахборот гўёки BBC News телеканалидан тарқалган: "Дуэйн «Қоя» Жонсон 47 ёшида трюкни амалга ошираман деб ҳалок бўлди" мазмунидаги қалбаки скриншотлар ижтомоий тармоқларда тарқалиб кетган.
Хабар хаволасига ўтган фойдаланувчилар қалбаки сайт манзилига кириб қолмоқда. Британия телеканалининг расмий сайтида бундай хабар йўқ.
Шунга қарамай, актёрнинг кўплаб мухлислари ижтимоий тармоқлардаги ушбу хабарларга ишониб, уларни муҳокама қилишга киришиб кетган.
"Қоя" Жонсонниннг ўзи ушбу маълумотларга ҳали расмий изоҳ бермаган.
Актёр Интернет тармоғида илк бора "ўлдирилаётгани" йўқ, у 2011- ва 2014 йилларда ҳам ҳалок бўлган ва мухлисларга: "Менинг ўлимим ҳақидаги миш-мишлар – ёлғон", - дея мурожаат йўллаган.
21 августда Forbes журнали дунёнинг энг кўп гонорар олувчи актёрлари янгиланган рейтингини эълон қилган. Нашр талқинига кўра Дуэйн "Қоя" Жонсон 2019 йилнинг энг бой актёри деб топилган. Жаҳон премьераси декабрда бўлиб ўтадиган "Жуманжи. Янги даража" фильми унга катта даромад олиб келган.
