“Қашқадарё ҳудудий электр тармоқлари” акционерлик жамиятининг маълум қилишича, Қарши-220/110/35/6 кВ подстанциясида режали жорий таъмирлаш ишларини олиб борилиши муносабати билан Шимолий-35/6 кВ подстанциясидан таъминланадиган Қарши шаҳрининг Хўжа хиёл, Карлиқбоғод, Беглар, Чармгар, Гулшан, Дарвозатутак, Махсумобод, Самарқанд ва Қуйибоғот маҳаллалари ҳудудидаги истеъмолчиларнинг электр энергияси таъминотида 2019 йил 16 ноябрь куни соат 09:00 дан соат 17:00 гача узилишлар бўлади.
“Қашқадарё ҳудудий электр тармоқлари” АЖ Матбуот хизмати келтирилган ноқулайликлар учун истеъмолчилардан узр сўрайди.
