Қорақалпоғистон Республикаси Хўжайли туманидаги 1-болалар ва ўсмирлар спорт мактабида спортнинг баскетбол, волейбол, бокс, эркин кураш, кураш, дзюдо, бадиий гимнастика, футбол, енгил атлетика, таэквандо, стол тенниси каби турлари бўйича машғулотлар олиб борилади, деб ёзади ЎзА.
Мазкур ўқув масканида 1 минг 300 дан зиёд ўғил-қизга 50 нафарга яқин малакали мураббий спорт сирларини ўргатмоқда. Ёшлар ихтиёридаги баскетбол, волейбол, мини футбол майдончалари, спорт залларида машғулотлар учун зарур барча шароит яратилган.
