Бугун Осиё кубогининг чорак финал учрашувларига старт берилади.
Ўзбекистон миллий терма жамоаси учун бугун ўта муҳим учрашув бўлади. Миржалол Қосимов бошчилигидаги футболчиларимиз Жанубий Кореяга қарши ярим финал йўлланмаси учун кураш олиб боришади.
Ўтган учрашувда вакилларимиз ғалаба қозониш учун имконият етарли эканини намойиш этишди. Бугун ана шу ишни яна бир марта такрорлашга тўғри келади.
Жанубий Корея бизга бегона рақиб эмас. Бу терма билан боғлиқ не-не аламли хотиралар қолган...
Бугун Ўзбекистон миллий терма жамоаси ғалаба қозониш учун бор кучини ишга солади. Бунга шубҳа йўқ. Матбуот анжуманида Қосимов барча ўйинга шай эканини таъкидлади.
Ўзбекистон - Жанубий Корея учрашуви Тошкент вақти билан 12:30да бошланади.
Манба: www.uff.uz
