Ички ишлар органларига хусусий тадбиркорлик билан шуғулланувчи 47 ёшли Раъно Ю. ариза билан мурожаат қилди, дея хабар бермоқда Тошкент шаҳар ИИББ.
Аризада 29-сентябрь куни у билан нархи 8 000 АҚШ доллари бўлган 20 та чарим(тери)дан бўлган курткаларни сотиб олишни келишган 59 ёшли Абдулла У.га нисбатан чора кўриш сўралган.
Аниқланишича, Абдулла молни олиб, пулларни 2-3 соатдан кейин олиб келиб бериш ҳақида ваъдалашган, аммо ўз ваъдасида турмаган.
Ушбу факт асосида Абдулла У.га нисбатан Ўзбекистон Республикаси Жиноят кодексининг 168-моддаси (“Фирибгарлик”) бўйича жиноий иш қўзғатилди.
