Сурхондарёда мактаб директори ўқитувчидан пора талаб қилди, дея хабар берди “darakchi.uz”га Бош прокуратура Матбуот хизмати.
Бош прокуратура ҳузуридаги Департаментнинг Сурхондарё вилоят бошқармаси ходимлари томонидан Ангор туман прокуратураси билан ҳамкорликда тезкор тадбир ўтказилди.
Унда Ангор тумани 26-сонли умумий ўрта таълим мактаби директори О.Х. ўқитувчи Н.Й.ни ушбу мактабдан ишдан бўшатмаслик эвазига таъмагирлик йўли билан 2 млн. сўмни олган вақтида ашёвий далиллар билан ушланган.
Мазкур ҳолат юзасидан мактаб директори О.Х.га нисбатан ЖКнинг тегишли моддаси билан жиноят иши қўзғатилиб, прокуратурага юборилган.
