Португалия терма жамоасининг собиқ ярим ҳимоячиси Луиш Фигу ФИФА президентлиги учун расман номзод этиб кўрсатилди.
Португалиялик сайловларда иштирок этиш учун қўйилган минимал талабни бажарган. У олтита федерациянинг қўллаб-қувватлаши ҳақидаги кафолатни олган. Мазкур талабга кўра, номзодни камида бешта федерация қўллаши лозим бўлади.
Эслатиб ўтамиз, 2015 йилнинг май ойида бўлиб ўтиши кутилаётган ФИФ президентлиги учун сайловда Фигу Жозеф Блаттер, Жером Шампань, Али Бин Ал Ҳуссайн, Давид Жинола ва Михаэл ван Прааг каби номзодлар билан кураш олиб боради, деб ёзади kun.uz.
