Тошкент шаҳрининг Яшнобод туманида 16 декабрда машина олиб қочиш билан боғлиқ жиноят содир этилди.
Шу куни соат 23:00ларда Миробод туманида яшовчи В.Л. маст ҳолда Яшнобод туманида истиқомат қилувчи Б.У.нинг уйи олдида эшиклари очиқ ҳолда қолдирилган «ВАЗ-2109» русумли автомашинани ҳайдаб кетади. Миробод туманидаги Сарикул кўчасида кетаётганида эса бошқарувни эплай олмай, бетон тўсиққа урилади, деб хабар берди Постда.
Мазкур ҳолат юзасидан Жиноят кодексининг тегишли моддаси билан жиноят иши қўзғатилди. Тергов ҳаракатлари олиб борилмоқда.
