Солиқ кодексига киритилган ўзгартиш ва қўшимчалар 2020 йил 1 январдан кучга кирди. Тенглик, аниқлик, соддалик ва самарадорлик асос қилиб олинган. Бу ҳақда ҳуқуқий ахборот канали маълум қилди. Ушбу кодекснинг янги таҳририга қуйидаги ўзгартишлар киритилган:
Солиқ турлари 13 тадан 9 тага қисқартирилди. Бекор қилинганлари:
👉 ягона ер солиғи;
👉 давлат божи;
👉 божхона тўловлари;
👉 тадбиркорлик фаолиятининг айрим турлари бўйича қатъий белгиланган солиқ.
Кичик корхоналар (товар айланмаси 1 миллиард сўмгача бўлган) учун эса айланмадан солиқ кўринишидаги алоҳида солиқ режими сақлаб қолинмоқда.
👉 Солиқ органларига ҚҚС “манфий” қолдиқ суммасини қайтариш ҳуқуқи берилмоқда. Аввал фақатгина экспортчи субъектларга, Вазирлар Маҳкамасининг рухсати асосида Ғазначилик билан келишилган ҳолда қайтариларди.
👉 Энди асосий воситалар ҳамда кўчмас мулк объектлари харид қилинганда ёки янгидан барпо этилганда ҚҚСни бир йўла ҳисобга олишни назарда тутувчи тартиб жорий этиляпти. Шу пайтгача ҳисобга олиш тенг улушларда кетма-кет келувчи 12 ой давомида ҳамда кўчмас мулк объектлари учун 36 ой давомида амалга ошириларди. Бу тартиб солиқ тўловчиларнинг бизнесини ривожлантириш ва бюрократияни қисқартиришга асос бўлади.
👉 Корхоналар ўртасида ўзаро молиявий муносабатларга аралашган ҳолда, ҳосил бўлган дебиторлик қарздорлиги мажбурий ундириларди. Энди бу тартибдан воз кечилмоқда Яъни бир корхонанинг солиқ мажбурияти бошқа бирининг зиммасига тушмайди.