Профессионал бокснинг супероғир вазн тоифасида собиқ жаҳон чемпиони Самуэль Питер (34–5, 27 КО) уч йиллик танаффусдан сўнг яна катта рингга қайтмоқда. Бу ҳақда olamsport.com нашри хабар беради.
Нигериялик боксчи 10 раундлик жангда америкалик 33 ёшли Деррик Росси (28–8, 14 КО) га қарши рингга кўтарилади. Бўлажак жанг 22 март куни АҚШнинг Вашингтон штати, Такома шаҳрида бўлиб ўтади.
Таъкидлаш жоиз, Питер ўзининг сўнгги икки жангида Владимир Кличко ва Роберт Хелениусларга нокаут билан мағлуб бўлганди. Эътиборга молик жиҳати, Деррик Росси ҳам Питер сингари сўнгги икки жангида мағлубият аламини тотиб кўрган.
