Андижон вилояти Олтинкўл туманидаги кафеларнинг бирида Андижон шаҳрида истиқомат қилувчи 1993 йилда туғилган шахс спиртли ичимлик ичиш оқибатида ўзининг 1989 йилда туғилган танишининг жиғига тега бошлаган. Бунинг оқибатида икки йигит ўртасида жанжал келиб чиққан.
Оқибатда уларнинг бири иккинчисига оғир тан жароҳатини етказиб, воқеа жойидан яширинган. Воқеа жойига етиб келган патруль-пост хизмати ходимлари томонидан жабрланувчи касалхонага етказилган ва унга тез тиббий ёрдам кўрсатилган.
Безори шахс эса зудлик билан қўлга олиниб, ҳолатга аниқлик киритиш мақсадида ички ишлар идорасига олиб келинди, дея хабар беради Ўзбекистон Республикаси ИИВ матбуот хизмати.
