Ўзбекистон Республикаси Фанлар академияси академик О.С.Содиқов номидаги Биоорганик кимё институти олимлари томонидан “Ғўза навларининг вилтга чидамлилигини аниқлаш усули” ихтиро қилинди. Бу ҳақда Ўзбекистон Республикаси интеллектуал мулк агентлиги расмий сайти хабар беради.
Мазкур ихтиро қишлоқ хўжалиги, хусусан селекция, уруғчилик ва ўсимликшунослик соҳаси учун мўлжалланган.
Қисқа вақт мобайнида (10-12 кун) иммунофермент таҳлил (ИМТ) методи билан вилт қўзғатувчилар конидиялари билан зарарлантирилган этиоллаштирилган чигит нишлари экстрактларида хитин-спесифик пероксидаза миқдорини аниқлаш асосида ғўза навларининг вилтга чидам-лилигини аниқлаш усулини ишлаб чиқиш ихтиронинг вазифасидир.
Ҳаммуаллифлар Н.РХашимова, А.А.Ахунов, Е.А.Пшеничнов, В.А.Автономов ва Ш.Б.Амантурдиевга мазкур ихтиро учун № IAP 05005 рақамли патент берилди.
