Ижтимоий тармоқлар орқали турк этсрадаси юлдузи Сердар Ўртачнинг Ўзбекистонда хизмат кўрсатган артист Мавлуда Асалхўжаева билан тушган сурати тарқалди. Маълумотларга қараганда, Сердар Ўртач ва Мавлуда Асалхўжаева ўтган 2015 йилнинг 26 март санасида пойтахтдаги “Яккасарой” ресторанида бўлиб ўтган тўйда учрашиб қолишган. Кўпчиликка маълум, хонанда Мавлуда Асалхўжаева Сердар Ўртачнинг бир қанча қўшиқларини ўзбек тилида куйлаган. Бундан Сердарнинг хабари йўқ, қўшиқлар ўғринча олинганлиги ҳақидаги миш-мишларга эса кеча Асалхўжаева яна бир бор ойдинлик киритиб, Сердарнинг яна бир қўшиғи мусиқасини олиш истагида эканини маълум қилди.
Мавлуда Асалхўжаева, Ўзбекистонда хизмат кўрсатган артист: - “Сердач Ўртач менинг энг севимли хонандаларимдан бири. Бундан ташқари у яқин дўстларимдан бири ҳамдир. Очиғини айтганда унинг Тошкентда эканидан ҳам хабарим йўқ эди. У билан тўйда кутилмаганда учрашиб қолдик. Шу вақтгача у билан доимий ҳамкорлик қилиб, қўшиқларини ўзбек тилида куйлаганман ва доим рухсатини олганман. Сердар билан муносабатларимиз яхши. Кечаги учрашувда унинг яна бир қўшиғини ўзбекчада куйлашни келишиб олдик”.
Хабарларга кўра, Мавлуда Асалхўжаева Ўртачга биргаликда дуэт куйлаш таклифини берган. Буни рад этмаган Сердар эса Асалхўжаевани Туркияга таклиф қилган. Турк ва ўзбек эстрада юлдузларининг ўзаро тандеми қуруқ гаплигича қолиб кетадими ёки тез орада амалга ошадими, буни эса вақт кўрсатади.
