Тошкентда касалликка чалинган сартарош аёллар гўзаллик салонида ишлагани аниқланди

Касби стилист-сартарош бўлган йигитга нисбатан Ўзбекистон Республикаси Жиноят кодексининг 113-моддаси, 228-моддаси 1-1006-2003/109-сонли жиноят иши очилган. Бу ҳақда жаҳон.уз хабар берган.
Маълум бўлинишича, Тошкент шаҳрида 1987 йилда туғилган М.А.М.ўғли гўзаллик салонида ишлаш мақсадида унга илгари қонуний йўл билан олинган тиббиёт китобчасининг муддати тугаганлигини била туриб, ушбу тиббиёт китобчасига сохта маълумотлар киритиш орқали қалбакилаштириб, қалбаки ҳужжатни “Lyfe style” гўзаллик салонига ишга кириш учун тақдим этиб, ундан фойдалангани айтилмоқда.

У анча йиллардан буён гўзаллик салонларида аёллар сартароши бўлиб ишлаб келган ва Тошкент шаҳрида жойлашган гўзаллик салонида ишлаётган вақтида тиббий кўрикдан ўтиб, қон анализларини топширган ҳамда унда ОИВ инфекцияси мавжудлиги аниқлангани, шундан сўнг уни Тошкент шаҳар ОИТСга қарши курашиш марказида рўйхатга олинган.

М.А. М.ўғли гўзаллик салонида бошқа ҳамкасблари билан ишлаётганларида ички ишлар ходимлари келишиб, тегишли тартибда ҳужжатларни расмийлаштиришган. Олиб борилган суриштирув-тергов ҳаракатларида аниқланишича, унинг Қозоғистон Республикасининг Чимкент шаҳридаги меҳмонхонада ҳимояланмаган ҳолда эркак киши билан жинсий алоқада бўлгани, ўтган йиллар мобайнида 5-6 марта эркаклар билан жинсий алоқада бўлгани аниқланган.

Эслатиб ўтамиз, Ўзбекистон Республикаси Соғлиқни сақлаш вазирининг 2014 йил 23 апрелдаги 7-сонли буйруғи билан тасдиқланган “Одамнинг иммунитет танқислиги вирусини юқтириб олган шахслар ишлаши ман этилган касбий фаолият турлари рўйхат”ида, мазкур вирусни юқтириб олган шахслар соч ва соқол олиш, пирсинг, маникюр, педикюр ҳамда татуаж билан боғлиқ касбларда ишлаши ман қилинган.

Агарда, М.А.М.ўғлининг айби судда исботланса у жиноий жавобгарликка тортилади.