Бугунги кунда замонавий техника ёрдамида мислсиз ишларни амалга ошириш мумкин. The Hollywood Reporter нашри берган маълумотларга кўра, суратга олиниши режалаштирилаётган “Ип Ман” фильмида бундан 40 йил аввал вафот этган беқиёс актёр Брюс Ли виртуал тарзда суратга тушади.
Бироқ айни дамда унинг яқинлари бунга розилик беришмаяпти. Маълумотларга кўра, 2016 йилининг бошида дунё экранларига чиқарилиши мўлжалланаётган фильмда боксчи Майк Тайсон ҳам суратга тушмоқда.
Аслида Брюс Ли Ип Маннинг шогирдларидан бири бўлган. Фильмда жанг устаси Ип Маннинг ҳаёти, унинг жанг санъатидаги истеъдоди ҳақида ҳикоя қилинади. Айтиш лозимки ушбу фильмнинг биринчи қисми 2008 йили экранларга чиққан. Унда бош ролни Донни Ен ўйнаганди.
